華仔認有創傷後遺症 擔心再受傷：啲舞步可能整傷條腰都唔會跳
撰文：吳子生
出版：更新：
劉德華2018演唱會今日（3/9）在尖沙咀舉行記者會，過百Fans到場支持打氣，華仔即場獻唱名曲《如果我有事》，令現場氣氛高漲。華仔在台上表演「棟篤笑」，向台下記者表示今日乜都可以問，好咪好驚奇呢，仲話：「你地敢問，我敢答。」有記者即時發問：「今日開學，你今日唔使湊女咩？」華仔笑言：「我就喺知你地會問呢啲問題，所以今日攪哂你地嚟呢度，唔好攪我個女，今早我成個Batman咁，入咗學校都冇人發覺到我。」引到台下滿場笑聲，拍爛手掌。
劉德華表示有咗囡囡之後，往後可能會減少開演唱會（陳順禎攝）
《My Love Andy Lau劉德華》演唱會將於2018年12月15日紅館隆重舉行，共開20場橫跨2019年。華仔表示：「已經開始排舞，因為之前墮馬受傷之後都會有啲創傷後遺症，都擔心跳舞時會唔會再次整親，但一路都有同我地嘅團隊醫生，排舞師溝通，有邊啲舞步會喺有可能整傷條腰，都唔會跳。」
早前有歌迷排隊買劉華演唱會，被人斬傷，華仔擔心歌迷安危，固取消排隊買演唱會門票，但有年長歌迷投訴唔識上網買門票。華仔表示：「冇咗排隊，如果有需要可以聯絡主辦單位，因為我地都擔心佢地排隊嘅安危。」有咩方法可以打擊黃牛飛？「最緊要大家小心，因為炒黃牛飛嘅人，知道大家都好錫我會買我嘅飛，所以佢地成功嘅幾會又會多咗，希望炒黃牛飛嘅人高抬貴手，唔好炒咁貴，如果你地炒就睇住炒，如果喺呃就唔好囉。」
劉德華上年意外墮馬後受傷，現在都有創傷後遺症，自己感到壓力（陳順禎攝）
+11