【後生仔傾吓偈】馮盈盈錫完愛犬再錫男友 唔理衛生：愛佢就無事
撰文：鄺鈺瑩
出版：更新：
麥明詩同馮盈盈帶埋愛犬「麥精」、「波子」開工。
最新一集《後生仔傾吓偈》以「身邊總有個寵物奴」為題，麥明詩同馮盈盈更帶埋愛犬「麥精」、「波子」齊齊現身。二人於節目中，都十分認同做貓做狗都十分之幸福，因為每當工作辛苦時，見到愛犬只係掛住瞓、玩、食，大便都有人服侍時，即時覺得寵物係世上最幸福的一位。
馮盈盈似乎比起麥明詩更寵物奴。
陸浩明之後問到「能否接受另一半錫完寵物再鍚你」時，雖然大部分都表示反對，麥明詩更指出「佢可能食完屎再錫你另一半喎」，投贊成票的FYY聽到之後，就話「佢哋啲屎係有機㗎。」咁如果另一半同愛犬嘴對嘴、甚至去到舌吻程度呢？FYY都話無問題，更指「本身已經係咁對我寶寶」，麥明詩聽完之後，似乎都係接受唔到，更指自己隻「麥精」會食屎同埋落街時會舔垃圾桶，雖然聽落好唔衛生，但FYY就話「得㗎啦，咁大個人有抗體，你愛佢就無事。」更笑言未因此而生過唇瘡，結果即被麥明詩反抽「因為馮盈盈身經百戰」
麥明詩話由愛犬身上學識做人道理，其中一項就係扮死狗。
以為講寵物就唔會有甜嘢？當大家討論到「如果另一半出街時，只係顧住買嘢俾寵物時」，FYY就話「可唔可以買啲玩具比我呢隻寵身，刺激嘅玩具……」麥明詩再接力「有啲玩具人同狗都啱玩，珠珠嗰啲！」兩位果然名不虛傳！