陳嘉寶宣布有喜已懷孕6個月 陳凱琳蔡穎恩爭做契媽
撰文：洪曉璇
出版：更新：
又多個娛圈靚媽誕生﹗現年28歲嘅陳嘉寶Anjaylia，上年11月先同初戀男友黃頌祈（Epaphras）拉埋天窗，原來唔聲唔聲已經造人成功，呢日喺IG上載夫婦合照公布喜訊：「要特別感謝我身邊的小天使們在過去半年來貼心的守護，謝謝大家對我們的祝福。」原來Anjaylia已經陀B半年啦﹗
陳嘉寶於IG貼圖宣布懷孕消息。（陳嘉寶IG）
女藝人最怕俾人話肥咗，上鏡無咁好睇呀嗎，Anjaylia亦以此作開首：「近我身邊的朋友都在說我很奇怪，問我為什麼做了運動之後手腳和臉瘦了這麼多，肚子的肉肉卻好像不減反增...現在謎底要給解開了！因為那不是單純的肉肉啊！那可是一個寶寶呀！哈哈……」
陳嘉寶Anjaylia，上年11月先同初戀男友黃頌祈拉埋天窗，原來唔聲唔聲已經造人成功。（陳嘉寶IG）
「要特別感謝我身邊的小天使們在過去半年來貼心的守護，謝謝你們時刻緊盯並照顧着我這個不羈大頭愛自由的人。我會繼續好好努力做好自己，不管是鏡頭前後的那一個身分，都會繼續盡善盡美。謝謝大家對我們的祝福，若果未能一一回覆，請多多包涵。」而佢老公黃頌祈亦於IG分享心情。睇返Anjaylia近幾個月嘅相，塊面的確係圓潤咗少少，但絕對唔似已經懷孕6個月，所以留言一出真係嚇親唔少網友。
雖然Anjaylia最近塊面圓咗少少，但完全唔似懷孕6個月。（陳嘉寶IG）
Evelyn蔡穎恩同Anjaylia自入行起經常以孖妹姿態出席活動，姐妹情深，佢喺IG貼出合照話：「這不是恐怖故事但事實這張相有三個人，親愛的寶寶你要好好的在媽媽的肚子裡成長，期待你的來臨，Auntie eve會好好的疼你。另一位好姐妹陳凱琳亦貼出婚禮時姐妹相擁合照，留言話：「So happy to hear the most beautiful and blessed announcement from my family-in-Christ. Love you both! God Bless.」BB未出世已經萬千寵愛在一身啦。
上個月陳嘉寶大住個肚飛去峇里參加陳凱琳婚禮。（陳凱琳IG）
+6