【延禧攻略】吳謹言執二攤做魏瓔珞 網友指製作人于正爆料超無品
撰文：鄺鈺瑩
出版：更新：
吳謹言去年才轉投于正旗下嘅製作公司，隨即就已經接拍了《延禧攻略》、《皓鑭傳》同《你是我的答案》幾劇，如果真係于正口中按字排辈咁接戲，睇嚟佢公司藝人都真係好識揀戲喎。
《延禧攻略》雖然已經喺內地播完，但身為製作人嘅于正就繼續為劇集做宣傳，似為番外篇造勢。日前于正上海大學演講時，提到《延禧》選角過程時就話：「我們是按字排辈，先進來角色先選，如果不合適的那不算，如果不喜歡就往下一個再選，這是我公司的一個慣例，所以謹言她很幸運，因為她來的時候正好（袁）姍姍到期，走了，她就演了。那也是因為楊蓉她不想演，她推掉了這個戲，所以這些東西我覺得是緣份……」
楊蓉之前都有份做《冒險王衛斯理無名髮》。
于正口中嘅楊蓉，出道近20年，戲劇作品近30部，演技早就被受公眾肯定，有網友對於于正呢份言論甚為生氣，指佢成日都會事先將揚會為楊蓉接拍某某作品，但最後卻不了了知，今次更為捧新歡吳謹言，而明指楊蓉推戲，行為不要得，唔少網友更求于正放過楊蓉，認為楊蓉有的是實力，唔需要呢啲花邊新聞。
唔少劇迷都好期待嘅《延禧攻略》番外篇，于正透露已經進行後製階段，並表示將會有乾隆同魏瓔珞老年裝扮。
此外，于正亦於演講中，提到吳謹言辨識度高、不浮躁、敬畏演技，曾是「小龍女」最佳人選，但因「一些原因」而錯過，不過，呢份言論又令網友非常不滿，因為于正拍攝《神雕侠侣》時就曾經提過陳妍希係人心中最佳的小龍女，如今改口兼且加上佢早前話「揀陳妍希做小龍女係因為陳曉喜歡」，似乎真係好識踩低他人捧高自己人。
編劇出身的于正過去曾捧紅袁姍姍，楊冪，趙麗穎，馮紹峰等人，但就好似無個能夠合作得耐。（視覺中國）