周汶錡囝囝喊住返新學校 靚媽出軟功：氹吓佢囉！
撰文：趙允琳
出版：更新：
周汶錡（Kathy）今日（13日）出席珠寶活動，平時因工作關係經常接觸到各種珠寶的她坦言自己對時裝非常有要求，亦「鐘意靚」，所以都會一直堅持打扮自己。快要和老公結婚六週年，會不會也期待收到珠寶當作週年禮物？Kathy笑指：「唔使嘅，開心得㗎啦。」
周汶錡（Kathy）今日（13日）出席珠寶活動。（梁碧玲攝）
早前正值開學時期，Kathy的三歲囝囝剛剛升讀本地幼稚園，現在正在「適應期」：「哥哥會辛苦少少，因為要準時返學啦喺本地學校返九點鐘。會扭吓計啦，因為平時會瞓晏少少。同埋而家係全中文，會有少少唔習慣，所以佢都喊住返學，咁就要氹吓佢囉！」她亦表示自己是中國人，也希望自己小朋友也可以自小就學會中文，長大後也不會覺得太吃力。
Kathy表示三歲囝囝最近升讀幼稚園。（梁碧玲攝）
除了大囝，眨眼間一歲半的細囝也開始參加遊戲小組（Playgroup），Kathy坦言由於兩個囝囝都在不同地方上課，接送上下課時尤其覺得吃力：「但係ok嘅，我覺得係開心嘅辛苦囉。」她更表示有意讓囝囝學跳舞，讓他們伸展筋骨，增加一下運動量。
妹妹周勵淇的新劇《再創世紀》剛剛開播，Kathy表示十分支持妹妹的所有作品。（梁碧玲攝）
妹妹周勵淇的新劇《再創世紀》剛剛開播，Kathy有沒有準時收看？「梗係有啦！而家都多咗時間喺屋企，我會開始煲吓劇，佢嘅劇我一定會支持啦！」