鍾嘉欣無份出任姊妹團 苟姑娘:坐月好重要,唔忍心佢飛過來

撰文:吳子生
出版:更新:

苟芸慧(Christine)昨日(14/9)出席九龍塘舉行汽車發佈會活動。快將披上嫁衣成為陸太嘅苟姑娘,將於今年10月19日,於上水雙魚河舉行盛大婚禮,在訪問前,苟姑娘心情明顯雀躍又興奮,還主動把弄攝影師鏡頭,被問到婚前會否感到緊張?「都係㗎,其實咁樣都可以釋放啲壓力,可以放鬆啲㗎。不過對比我未婚夫佢就緊張好多,好似之前我去長春電影節行紅地毯,佢要跟住我睇到我好實,感覺到佢好緊張我好錫我。」

如果未婚夫陸漢洋想婚前舉行告別單身派對,苟姑娘都表示冇問題。(陳順禎攝)

苟姑娘透露姊妹團有香香、伍姑娘、王君馨、簡慕華、潘曉彤等人組成,被問到好姊妹鍾嘉欣會否出席今次婚禮?苟姑娘直言:「我同佢講,情願自己飛過去睇佢,都唔想佢咁辛苦飛過嚟。因為佢坐緊月係好重要,而且佢唔係得一個小朋友,而家有兩個小朋友要照顧,要佢飛過嚟自己都唔係咁好意思。所以錫佢多啲,我應該飛過去睇佢。」

老公陸漢洋10月8日生日,苟姑娘已經準備好當日送上驚喜慶祝(陳順禎攝)