【颱風山竹】民初街招牌跌哂落嚟 電視城唯一屹立不倒係佢.....
撰文：賴家杰
出版：更新：
昨日（17日）香港受颱風山竹影響，導致香港各個地區出現交通受阻及樹木倒下等，今日（18日）各地區災情嚴重，很多市民自發性去幫忙清理街道上的阻礙。而作為香港最大的電視台TＶＢ有沒有因山竹而受影響？《香港01》亦委派記者到Tvb電視城看看情況。
TVBuddy面對山竹竟然毫無損傷，果然係企得硬淨。（梁碧玲攝）
原來電視城抗風力驚人，尤其放在保安亭樓上的TVBuddy，理應「最食風」，但今日所見TVBuddy絲毫無損，屹立不倒，不過古裝街、民初街就不同了，雖然有電視大樓作屏障，不過山竹威力驚人，古裝街、民初街就無咁好彩，民初街的招牌、電話亭被吹到跌哂落地，城門都仲撐得住，但附近的樹，就被吹倒，不少電視城手足亦忙於做搶修工作，但以電視城這麼大的面積，這種損毀程度，其實相當輕微。
【颱風山竹】陳茵媺獨門貼膠紙方法防山竹 陳豪：我好感謝太太
【颱風山竹】楊思琦擺烏龍 誤把澳門爆玻璃大廈當成「香港的」
民初街的電話亭跌咗落地，相信修補一下就可以繼續開工。
而８號風球除下，一眾藝員亦要回廠拍劇，而《開心速遞》的KC（歐瑞偉飾）亦已開工，他說：「山竹呢個風都幾犀利呀，好多同事都好慘呀，我好好彩屋企冇受到影響。。。我今日亦提早咗返工，我早咗兩個鐘返嚟，TVB其實都幾安全㗎，不過呢。。都有少少損毀。」最緊要大家安全，今次真係辛苦哂清潔同維修嘅同事喇。
拍劇廠房出面的一棵樹抵受不了山竹的威力倒下，KC表示電視城平時好食風，今次其實損毀輕微。
點擊下圖睇電視城損毀情況
+7