【2018亞洲小姐】李芷菱自嘲骨架大 賴嘉瑩：佢一餐狂食4份……
撰文：吳子生
出版：更新：
《2018亞洲小姐》9位候選佳麗到旺角出席健身中心開幕活動，同場有德國體操王子金牌得主阮馬素，還即場帶領一眾佳麗做掌上壓，全場最有料之人有賴嘉瑩（1號）及李芷菱（9號），兩人做掌上壓時叮噹馬頭，李芷菱事後坦言：「自己早前腸胃炎，喺屋企休息嘅時候，食多咗嘢肥咗好多，自己都冇計住，知道自己個骨架比較大，所以一肥就好大分別，所以我依家都會積極備戰做運動減肥。」旁邊賴嘉瑩即場踢爆芷菱一餐狂食四份餐蛋治，食量驚人。
李芷菱希望短時間內能減去10磅（黃國立攝）
相比之下賴嘉瑩體能相當Fit，從前是香港青年排球隊成員，跟操兩年後，更加代表香港出戰第7屆城市運動會：「好記每場比賽都打得好激烈，體能上消耗好大，我哋香港女仔身型喺比較輸蝕，雖然嗰次攞唔到任何獎項，嗰次經驗好寶貴，我依家都仲有打緊乙組排球賽事。」
賴嘉瑩見到德國體操王子阮馬素，表現興奮（黃國立攝）
賴嘉瑩於單身家庭成長，家有弟妹，在6歲那年爸爸和媽媽離婚，就要肩負照顧弟妹起屋飲食，中學畢業後，出來做模特兒賺錢養家，更半工讀完成大學學位：「知道媽咪做嘢辛苦，希望可以搵錢負擔一下家庭嘅開支，慢慢大個啲搵到錢，照顧埋細佬妹俾零用錢佢哋，今次參選亞姐，希望有好成績，報答我媽咪。」