【非同凡響】余香凝峇里島之行:「蕭正楠」做我哋導遊

撰文:吳子生
出版:更新:

電影《非同凡響》一眾演員,出席昨晚(18/9)在尖沙咀舉行慈善首映禮,香港特別行政區區行政長官林鄭月娥應邀出席。余香凝早前成班朋友去咗印尼峇里島潛水差點遇險。「嗰日同潛水教練一齊向水深20米進發睇魔鬼魚時,途中突然遇急流,將我同教練衝散咗,當時好驚,好在教練立刻過嚟拉住我,仲要俾教師訓示一番。」

此外Jennifer原先計劃自駕遊,但因怕當地治安唔好,交通路面又唔熟悉,所以臨出發時就取消咗。「之後我哋租咗部車連司機,司機譯音中文叫做『蕭正楠』我哋覺得好有趣,成個旅程有『蕭正楠』做我哋導遊。」

Jennifer峇里島之行,被人偷去攝影機,去到當地警署報失。(陳順禎攝)

賽馬會耆智園新一輯短片,邀請廖子妤飾演一名孕婦。「故事講我同老公有腦退化症,由20歲相識到35歲呢段其間所遇到嘅困難,在戲中我要拍攝生仔嗰一幕,而家講起都覺得有啲暈,因為拍嘅時候,我要好用力咁谷住啖氣,當導演話個B出咗嚟喇,我嗰一刻爆喊,好似真係生咗出嚟咁,事後對生BB充滿恐懼。」

廖子妤演過孕婦後,覺得做媽咪好偉大。(陳順禎攝)