【後生仔傾吓偈】得罪網民隨時做A片女主角 麥明詩：想試下
撰文：鄺鈺瑩
出版：更新：
麥明詩今集其實有幾個位都好似出咗竅咁。
《後生仔傾吓偈》今集以「最不可得罪的人」為題，麥明詩、陸浩明、馮盈盈就分別選出「工人、侍應、秘書」，都幾合情合理，之不過，後來當一班後生仔KOL提到其實網民都唔可以得罪時，FYY都十分之認同，更表示現今的網民十分執著，可以有大把時間去起底、造謠甚至改圖。「佢哋可以key你個樣去A片，只要利用幾張唔同角度嘅相，加埋AI程式就可以，好真」，聽落都幾無妄之禍，之不過，麥明詩就突然表示：「我又想試下睇，如果拍嘅話正唔正。」莫非麥明詩有拍A片，所以想整個pre-view?!之後FYY表示已經有大台女藝人成為A片女主角，好在自己未被選中，好奇寶寶麥明詩呢個時候又再問：「條片係未你自己upload?同埋係未已經有ABCD餐你揀?」問得咁仔細，搞到性博士FYY一時間都答唔到。
但一講到A片即就好生猛。
一眾主持人之後繼續討論最唔可以得罪的人，當中就包括司機，FYY即時比位麥明詩話佢應該有好多嘢可以發表，「我無得罪人，係佢得罪我」麥明詩講呢句時表情甚為八婆，睇得出唔係交戲完全係發自內心。事緣去年有的士司機於網上貼文表示「1440接載『麥x詩』由尖沙咀加拿分道去佐敦xxx，全程車資$44.40，你畀$100我找番$55.6畀你，係你話唔要$0.6散紙。特此聲明。」因6亳而被公審，又真係嬲喎，不過麥明詩於節目上就話其實大家都無錯，更提議應該要四捨五入才公平。「不過得罪司機都係危險，有時佢哋開工十幾小時後好情緒化，你講啲嘢佢哋唔滿意就會亂踩剎車。」
FYY學術性真係好高，知道有大台女星被移花接木到A片。