【黃金有罪】孖田蕊妮拍《逆緣》監製新劇 劇迷嫌鄭俊弘趕客

撰文:鄺鈺瑩
出版:更新:
田蕊妮年初表示為了唱歌事業而暫停拍劇,如今Amy姐新作十月開拍,田蕊妮係時候歸位。(資料圖片)

無綫金牌監製王心慰(Amy姐)曾打造《烈火雄心》、《梟雄》、《逆緣》等劇集,一年一劇嘅Amy姐即將開拍新劇《黃金有罪》,維基百科以「民初懸疑題材的電視劇集」介紹《黃金有罪》的劇種,女主角為Amy姐愛將田蕊妮,其實田蕊妮去年連拍《誇世代》、《超時空男臣》以及《迷》,加上倉底劇《蘭花劫》出土,去年共有四套劇播出,她已表示要抖抖,再加上她為了今年專心錄歌,所以已經快一年未有接劇,但如今Amy姐開劇,田蕊妮都係時間歸位啦。此外,朱晨麗、陳瀅以及劉思希亦將會參與新劇演出,劉思希早前就喺微博上載了幾張造型照,並表示:「70年代是一個怎麼樣的年代呢」照片中,劉思希身穿喇叭褲並配上短毛衣,加上一頭曲髮甚有70年代的感覺。

劉思希率先透露自己已為新劇試造型。

至於男主角方面,就有張兆輝同鄭俊弘,張兆輝擔正的《飛虎之潛行極戰》在內地的點擊率達到至少30億,續集已鐵定於年底開拍,但張兆輝早已表明唔會參與,未知是否因為要拍Amy新劇。對於新劇的陣容,唔少網民都十分有意見,特別係鄭俊弘,一面倒指「鄭俊弘十分趕客」,其實自從戀上何雁詩後,鄭俊弘事業全面插水,過往都會為大台劇客串嘅佢,自《與諜同謀》後未再有拍大台作品,巧合的是,去年《逆緣》開拍前,有指鍾定國一角原屬鄭俊弘,但後來因與何雁詩的戀情而遭易角。

鄭俊弘因何雁詩失鍾定國一角? 監製王心慰:時機問題 

鄭俊弘戀愛大過天,結果被公司飛出《逆緣》,但勢估唔到Amy姐願意再一次比機會佢。

早前鄭俊弘於商台節目《一圈圈》接受訪問時,他亦有提到易角一事:「係有傾過,不過未落實,本來嗰日(新聞出街)要開會,監製都有打比我問我心情點,我都好坦白同佢講唔太好,佢叫好休息吓,唔好去開會、亦都唔好諗角色、劇集嘅嘢住。之後有在公司見到Amy姐,佢話合作唔到好可惜, 拍攝上合作唔到,但呢首歌係你唱,所以就唱了《逆緣》的主題曲。我自己都好少同人講呢件事,Amy姐個支持、鼓勵係好多,係好感動。」估唔到Amy姐俾完主題曲鄭俊弘唱之後,開新劇都要預佢一角,呢份恩情,相信唔係一句「好感動」就還得清。

王心慰(Amy姐)過往的作品《烈火雄心》、《梟雄》、《逆緣》都十分受歡迎。