【開心速遞】送水輝製造驚喜竟變暗湧　大小姐：我唔想再見到你呀

無綫處境劇《愛‧回家之開心速遞》入面最受歡迎兼最甜蜜的一對CP，當然係大小姐 (林淑敏飾) 同送水輝 (許家傑飾) 啦，有唔少劇迷同粉絲睇該劇都是為了睇他們呢一對㗎。不過呢對正值熱戀期的CP，戀情竟然出現暗湧，大小姐仲嬲爆咁話唔想再見到送水輝，到底送水輝做錯了咩呢？

於今晚那集的預告片入面，睇到有一幕係講送水輝拎住蛋糕同一盒月餅，仲熄晒燈點住蠟燭，一心諗住畀驚喜大小姐，當他同大小姐講：「Surprise！」竟然換來大小姐一句：「開返盞燈啦，死蠢！」之後送水輝即刻好緊張咁道歉：「Sorry呀，小蓮。」大小姐卻嬲爆咁鬧他說：「我小你個頭呀！我唔想再見到你呀，你同我走！」令送水輝覺得莫名其秒，鏡頭一轉已經係兩人都好sad的樣，又回憶起往日的甜蜜片段，唔通真係鬧分手？

一齊睇多啲今晚集預告片段。