【銀魂2】莊端兒係標準動漫迷 「 會同前度會玩Cosplay」
撰文：吳子生
出版：更新：
莊端兒昨晚（21/9）出席九龍塘又一城舉行《銀魂2》群星首映禮。「好開心今日可以過到嚟睇呢套戲，鍾意嘅程度係可以返睇再返睇，睇極都唔會厭，關於動漫嘅嘢我都好鍾意，每年動漫節我都會『靜靜雞』入場睇，覺得啲衫好靚，我同前度男友拍拖時，我哋都有玩Cosplay，一講起係咪諗起好情趣嘅畫面呢，其實我男友跑馬拉松嘅時都有着過啲動漫衫去跑，都幾得意㗎，有時候成班朋友一齊玩Cosplay 都好過癮。」
莊端兒從前和男友都會一起去動漫節，還會穿成動漫人物，玩角色扮演。（黃國立攝）
杜汶澤網台「杜汶澤喱騷Chapman To's Late Show」，推出節目「壹鳩大事回顧」，找來性感女神莊端兒化身成性感女主播，人氣急升密密接job ，最近做埋飲食節目《隱世廚神》主持。「今次我做呢個主持除咗試食之外，都要幫手整食材，咁到煮嘅時候，梗係大廚落鑊煮啦，呢個飲食節目最勁嘅地方，就係將啲好平民嘅食材，煮成皇帝菜式咁矜貴，不過最開心就係做咗呢個節目後竟然冇肥到，反而瘦咗。」
莊端兒自少很喜歡動漫中人物，家中藏有多套動漫服飾。（黃國立攝）