周杰倫1歲仔仔已經識撩女仔 昆凌：怎麼把你放下之後就去找妹妹
撰文：張嘉敏
出版：更新：
台灣天王周杰倫 (Jay) 愛妻昆凌即使已為人母，同Jay育有一仔一女，但身材一直keep得勁fit，向來亦深受各大時裝品牌歡迎，每年都會獲邀出席各地的時裝周。昆凌最近就飛到了米蘭出席時裝周活動，今次更帶埋有1歲的仔仔小小周Romeo同行。
昆凌帶埋仔仔Romeo去米蘭，Romeo個樣好似爹地周杰倫。
昆凌呢日就於她的IG post了兩張同仔仔的合照，一張是她抱住仔仔坐在名勝古蹟前的梯級上，小周周身穿黑白色背心，戴上黑超，輪廓植似爹地，人仔細細仲要學似爹地咁chok到爆，好可愛。而另一張相就影住小小周走了去撩另一個小妹妹，表現得好主動。昆凌留言表示：「難得我們兩個約會！怎麼把你放下之後就去找妹妹。」好搞笑。
小小周走去撩女仔。
小小周個咀仔似足爹地周杰倫。