【多功能老婆】楊千嬅呻拍攝時間太長 :拍電視劇好辛苦㗎

撰文:賴家杰
出版:更新:

由楊千嬅主演的Tvb劇集《多功能老婆》今天(26日)舉行煞科宴,千嬅表示拍攝完畢後心情終於可鬆一口氣:「其實開心㗎,雖然拍攝電視劇過程係辛苦,但我識咗一班新嘅演員朋友,我覺得係一種禮物,因為佢哋會一齊傾偈,過程好刻骨銘心。」其實在拍戲過程時間實在太長,千嬅強調真的是很辛苦:「有時候拍攝到半夜,大家都為大家打氣,呢個係團隊精神,好興幸與到一班咁嘅伙伴。」

楊千嬅今日(26日)出席多功能老婆煞科宴。(梁碧玲攝)

而在拍攝過程千嬅笑言在團隊中與上「兒時」拍電影的朋友:「再一次人生路上與上大家,其實都好多話題,到宜家完啦,大家都好唔捨得,不過大家各有前程。」千嬅更透露這幾天也很忙碌:「我放完兩日中秋假期之後,就即刻排演唱會啦,因為3號就係啦,得番十日到可以採排,好緊張呀,你知我份人㗎啦。」

千嬅指拍攝電視劇真的很辛苦,因為太長時間。(梁碧玲攝)

問到千嬅多年沒有拍電視劇,雖然很辛苦,但會想有下一次?千嬅立即回答:「真係要睇下劇本同製作加上團體係對,因為需要好多時間要準備。」再問到一眾演員也大讚千嬅在戲中很專業,更很懂得照顧別人,常常拍完電視劇又去拍電影,千嬅慨嘆也不想這樣:「因為有工作時間疊在一起,所以延遲咗,但大家都想做好件事,其實我可以捱到咁都係大家畀支持我,最開心認識兩個閨密,分別係陳煒同朱晨麗。」

千嬅透露可以休息一段時間陪伴家人。(梁碧玲攝)