李佳芯嫌棄「氣質女神」神級稱號：做「師奶女神」先好！
撰文：趙允琳
出版：更新：
李佳芯（Ali）昨日（27日）為以藝術風格為主題的商場展覽擔任開幕嘉賓。被大會稱作「氣質女神」，Ali表示自己更想做「師奶」：「因為我發覺《BB來了》之後，多咗媽媽鍾意我，而我自己亦都演好多師奶嘅角色，所以做一個『師奶女神』都幾好吖！」
李佳芯（Ali）表示比起「氣質女神」、「宅男女神」等稱號，更希望大家叫她做「師奶女神」。（陳順禎攝）
Ali更即場為獨角馬模型上大秀畫工，在獨角馬的四隻腳上畫上一朵雲，象徵着自由自在到不同地方的意思。她興奮表示自己一直是獨角馬的粉絲：「我鍾意佢飛去邊都得！我本身好鍾意馬，而獨角馬係有埋翼可以周圍飛，所以我係好鍾意獨角馬！」她亦表示在獨角馬的腳上畫上雲朵投射了自己環遊世界的願望，雖然以前主播時期曾到訪過不同國家拍攝旅遊節目，但Ali還是覺得不滿足：「以前做主持係工作，我都好想試下做一個遊客身份，融入佢哋生活，唔係工作嘅時候去。」
熱愛藝術的Ali以前是在大學是視覺藝術科的學生，她說大學時期的一幅由想構思到真正落手的作品最令她難忘。（陳順禎攝）
Ali直言自大學後現在甚少畫畫：「我畫咗水墨畫之後我發覺每一次畫畫都開晒啲紙筆墨硯，每次都要『起壇』，同埋『收壇』嗰吓係要用你一日時間，你一日時間要全日唔做嘢先至做到嘅嘢嚟，所以入咗行之後都好少畫。」