【已讀不回】同陳俞希車內「激吻」　黃又南：你係咪會封利是畀我

由ViuTV與新傳媒Toggle首度聯手打造的劇集《已讀不回》，逢星期一至五晚上11點半播出。黃又南與陳俞希（Hailey）在劇中扮演性伴侶的關係，當中不乏親熱戲份，日前二人更於尖沙咀街頭，拍攝了一場車內激吻戲。

被問到拍吻戲前有什麼準備時，黃又南笑言自己已經吃了不少蒜蓉等「重口味」食物：「都係諗盡辦法令個口臭啲囉！」Hailey則表示對又南很好：「我就食咗香口膠，同埋啱啱都飲咗兩杯酒壯吓膽，因為今日場kiss戲我個角色要比較主動，所以有啲緊張。」又南聞言後笑說：「我都係第一次喺車度拍咁激嘅kiss戲，所以都好緊張，你係咪會封返封利是畀我？」Hailey被又南搞到哭笑不得：「你錫完我會死咩？」

雖然二人坦言拍吻戲難免會感到尷尬，但擁有豐富拍戲經驗的又南表現得非常專業：「埋位拍嗰陣就唔會諗咁多，淨係想演好場戲。拍親熱戲前就儘量同對手講好幾時錫同錫邊度，咁大家清清楚楚就冇咁尷尬啦！」Hailey又直言完全不享受拍吻戲：「因為實在太多人望住啦，特別今次仲要喺街頭拍。」