【颱風潭美】吳日言陀B同老公滯留沖繩 拍片報平安讚有人情味

撰文:張嘉敏
出版:更新:
Yan同老公重遊2年前結婚嘅地方:沖繩。

日本近日受到颱風「潭美」吹襲,而沖繩更是重災區,機場需要關閉,不少到遊客都被迫滯留當地,而陀住BB的吳日言 (Yan) 就是其中一個。Yan同老公原定今日 (9月30日) 由沖繩搭夜機返香港,可是遇上「潭美」襲日走不到,要留多3日才獲航空公司安排到航班返港。Yan今日就於她的IG story上載了一段短片,講述一下她同老公目前於當地的情況。

早幾日佢喺當地仲係好好天氣。

短片中影住一間酒店的餐廳,Yan寫住:「自助餐避難所」她表示:「因為大家都滯留喺呢間酒店,所以酒店特別安排畀所有住客都喺呢度食buffet,服務真係好好。」又影住酒店安排了專車接送,由於太大風,酒店的職員都嚴陣以待,而Yan就被「潭美」吹到頭髮都亂晒,最後她同老公都安全返抵酒店,笑言:「出去食個飯都吹成咁。」她又大讚日本人好有人情味。

佢入住嘅嗰間酒店安排咗免費自助餐畀住客。
佢畀風吹到個頭亂晒。

Yan又於IG post了大肚泳照報平安,佢留言話:「原本今日回港,因為颱台24(港稱:潭美)吹襲沖繩,所以機場同陸路都全線封閉。可能Baby貴人出門招風雨,不過放心,同大家報個平安,我會留在安全地方。」

佢同老公好安全。