朱茵陪愛女黃鶯到名校面試　黃貫中未見蹤影

新學年又開始，唔少升K1或K2嘅小朋友，呢幾個星期應該都係忙住小一面試！黃貫中同性感女神朱茵所生嘅女兒黃鶯，下個月就6歲，日前朱茵就同埋囡囡黃鶯出現喺將軍澳播道書院準備面試，由於播道書院為中小學一條龍直資學校，教學語言以英語為主，加上並不主張抄寫及死記硬背課堂內容，故深受不少家長歡迎，楊卓娜細女豹豹亦是該校生之一。朱茵現身學校時，雖然被不少家長認出，但佢就十分淡定，同囡囡一齊邊睇圖書邊等面試。

黃貫中同朱茵向來保護囡囡黃鶯免她曝光，直到今年初黃貫中罕有帶同黃鶯接拍內地親子真人騷《想想辦法吧爸爸》，有傳酬勞近千萬人仔。雖然節目在內地仍未播出，但早前就網民影到朱茵喺內地送行時，黃鶯喊到收唔到鼙，一家三口難離難捨的畫面。