【流行經典50年】薛家燕12年戀情終曝光：但我暫時冇諗過結婚
撰文：賴家杰
出版：更新：
薛家燕近日接受雜誌專訪時爆出戀情，令人相當關注，今天（30日）由家燕姐主持的《流行經典50年》進行錄影，當然不會放過問到家燕姐的「好消息」，家燕姐笑說：「唔係開心事公布，只係同傳媒朋友傾開感情事，咁佢哋覺得呢件事大家會關注，然後寫出嚟後大家都好關注我感情生活，我Ok嘅，但而家工作比較忙少少，屋企人同『朋友』都想我抽多少少時間去關注自己生活，所以我做完演唱會後希望抽多少少時間陪屋企人同『朋友』，多啲喺埋一齊，咁我啲仔女都叫我享受多啲個人時間，唔好太忙碌，咁我應承咗佢哋。」
家燕姐今日（30日）春風滿面開工。（梁碧玲攝）
問到家燕姐其實當初是否不想公開這段戀情？家燕姐直言：「唉，其實唔係公布，我都冇公布啲乜，我只係話我之後會抽多少少時間陪屋企人。」說到家燕姐已經與相戀中的男朋友已拍拖12年，家燕姐會想開始新一段婚姻？「我暫時冇諗到，冇想到結婚呢個計劃，年紀大都唔會諗。」
+3