S.H.E正式離巢華研賺少3成 三位成員個人公司名相繼曝光
撰文：洪曉璇
出版：更新：
完成出道17周年演唱會後，S.H.E亦正式離巢。（華研官網圖片）
俗語話合久必分，今時今日有幾多人可以一份工打到老？最終可以和平分手留住美好回憶，就已經不枉此行。S.H.E三位成員任家萱、田馥甄、陳嘉樺自出道起就同華研公司合作，轉眼已經17年，到10月1 日終於劃上句號。華研發出聲明：「本公司與藝人任家萱、田馥甄、陳嘉樺三人分別之獨家演藝經紀合約到期，未來期間合作內容仍在討論中。」。
華研網站首頁仍然見到S.H.E身影。（華研官方Facebook）
除咗ELLA會同老公賴斯翔自組公司「勁樺娛樂」，Selina同Hebe亦各自成立個人公司。據台灣媒體報導，Selina以任爸爸作代表人創立「任真美好」有限公司，而Hebe則創立「樂來樂好」有限公司。
雖然唔再喺同一間公司，但三個人嘅友誼永遠長存。（IG圖片）
喺華研嘅聲明中，話就話公司「穩健經營無虞」，但列出嘅財務資料曝露S.H.E三位佔全公司收入高達三成﹗「「本公司營業收入、營業成本、營業費用均將減少，以今年度一至八月資料估算影響，三人經紀收入占全公司收入比例29.4%，經紀毛利占全公司毛利比例為12.6%，營業利益受未分攤共同營業費用影響無法明確推算。」「由於本公司與任家萱、田馥甄、陳嘉樺三人合作超過17年，累積諸多資產及資源，在獨家經紀合約到期後，未簽訂新合作合約前，除現有專案繼續執行外，未來個案如由本公司經紀或使用本公司資產再就個案單獨簽署協議。」
華研強調同S.H.E只係合約到期，已安排嘅工作都會繼續，10月1號中午Hebe專頁仍有post「華研國際」嘅帖，粉絲都嚇咗一跳。（Hebe Facebook）
+7