【專訪】周祉君開舖唔問女友廖子妤意見:男人嘅嘢使鬼問女人咩!

撰文:鄺鈺瑩
出版:更新:

由幕後到幕前,周祉君(Aaron)去年成為古天樂公司旗下藝人之一,雖然工作量明顯變多,但是否如他心中所以的呢?他說今年已做了五次老竇的角色,接到的劇本全都是形象十分正面,習慣變成惰性,周祉君自覺處於瓶頸位……

周祉君並唔係監督別人沖咖啡,而係好專心咁學習中……(葉志明攝)

手沖咖啡可以說是個性飲品,每次喝起來都會有驚喜。周祉君最近在中環與友人開設了咖啡店,以為他對咖啡會聊若指掌,結果這天訪問時,他才首次沖手調咖啡(而且手震)……咖啡店的出現,令他更覺自己什麼都不是:「以前就算做八次警察,都會想辦法去突出,近來開始留意到自己有少少惰性,或者係因為有少少自滿,所以唔係比一就係二嘅表情,亦都預咗拍呢場戲會點……我同自己講唔可以因為喺間好少少嘅公司就hea,所以Zero One出現得好合時。」
 

咖啡店有五個股東,各人有不同的負責範疇,周祉君主力公關部分,這天他為了訪問而試沖咖啡,手都震晒……(葉志明攝)

Zero One是咖啡店的名稱,周祉君說早在七年多前已有開鋪的諗法,一來那時做幕後有點積蓄,二來是周爸對咖啡素有研究,加上周媽喜歡插花,如果能開一間以花為主題的咖啡店好像不錯,周祉君將這個念頭告知股東之一的Ivan,講吓講吓,講到連佢自己都唔多記得、積蓄又無乜時,Ivan某日突然很認真的表示找到了台灣的咖啡師傅,然後又過了一後時間,Ivan說找到了品質控制、裝修的相關人員,就這樣今年初一行人開始去睇鋪。「作為一個演員,永遠都想學新事物,對我來說,飲咖啡只係提神,雖然爸爸好鍾意,但我從來都唔會同佢研究。」咖啡店令周祉君與爸爸多了一個溝通的話題,亦包含了他對父母的關心、與股東之間的信任。「永遠最難行就係由零行到一那一步,之後就有無限的可能性,咖啡店也是因而取這名。」周祉君以大男人形容爸爸,試過有次由大埔出門到九龍購物,全程兩父子竟然可以粒聲都唔出,如今因咖啡店而聽到周爸的聲音,呢一步真係行得不容易。
 

咖啡店位於中環威靈頓街,人流雖然多,但同區也有不少咖啡店,這天試時,與周祉君同公司的羅浩銘及張文傑也有撐場。(葉志明攝)

問到投資了多少,周祉君說大概七位數字,並笑言:「唔擔心就假」,女友廖子妤點睇呢?沒想到他竟然失笑了,之後很認真的表示:「男人嘅嘢使鬼問女人咩!」以為好威,但聽完他的補充後差啲笑死。「由第一次同佢有呢個開鋪的諗法時,到最後真係有,係經歷了好多場仗,『得唔得架?』、『比咁多錢』佢性格係咁,去到一個位我已經唔係好同佢講太多,男人做生意你唔好理啦!佢都幾抱著懷疑嘅態度,但我唔可以因為佢呢個態度而唔去做,我唔係無諗過,用咗呢筆錢之後,我哋之後條路點行。」雖然未到all in的程度,但周祉君以切咗隻手去比喻這項投資,難怪另一半會擔心。「我會以update進度去安撫佢,比佢知道我唔係玩玩吓,有無影響關係?我單方面覺得無……哈哈!我自己相信就會馬上去做,這就是演員的直覺。」話說訪問尾聲,廖子妤出現咖啡店,筆者提議周祉君把剛剛那番「男人嘅嘢使鬼問女人咩!」再說一次,他即時鬼馬地表示:「男人有時都要做吓小綿羊。」
 

周祉君為了開咖啡店,與女友廖子妤打了不少埸仗,幸好並沒有影響到二人感情。