吳業坤唱周杰倫冧歌追女 屎橋唔怕舊：行沙灘望星空
撰文：吳子生
出版：更新：
吳業坤今日（2/10）現身出席商台為新歌《神不守舍》宣傳造勢。相隔兩年出個人單曲，今次MV遠赴日本拍攝，以校園故事作為背景，坤哥表示自細好鍾意睇日劇及動漫，所以今次可以滿足下一己私慾。「我哋嘅製作團隊好好，佢哋會推薦當哋嘅女優俾我揀，𠴱三個妹妹年齡17歲左右，我覺得自己即時變咗個大叔，佢哋都妹活潑，帶到我入到新戲，好開心做到呢件事，人一世物一世，如果唔做，真係無乜機會做。」
坤哥相隔兩年先出新碟，希望今次有驚喜帶給大家。（陳順禎攝）
坤哥自爆中學求戀期時，唱歌冧女行沙灘。「𠴱陣時我會約𠴱個女仔去唱K，會唱周杰倫啲歌曲，又會同佢搭巴士，過程好開心，又會去行沙灘睇星空，最終我都行咗兩年時間，不過最後都和平分手，之後都冇再聯絡啦，𠴱陣時都好唔開心，回想起都成十幾年前，依家會覺得人與人之間，相遇都係一種命運。」問到當時女友靚唔靚？坤哥笑言：「細過睇咩都靚。」
坤哥相隔兩年先出新碟，希望今次有驚喜帶給大家。（陳順禎攝）