【跳躍生命線．多圖】馬德鐘男神激瘦變樣 網友驚呼唔認得
撰文：洪曉璇
出版：更新：
馬德鐘相隔2年重返TVB拍攝嘅《跳躍生命線》，成為今年台慶劇之一。（網上圖片）
近年TVB好多藝人約滿後選擇離巢，有啲轉行做生意，有啲隔一段時間有好作品就回巢。馬德鐘相隔2年重返TVB拍攝嘅《跳躍生命線》，成為今年台慶劇之一，早前出席宣傳活動時，有網友發現出名高大有型嘅馬神，居然樣貌劇變同胡迪撞樣，引嚟超過200留言表示難以接受：「佢係邊位呀？」
大家記憶中嘅馬德鐘，係咁嘅樣。（視覺中國）
睇張大合照，右邊第3個，唔講大家又認唔認得佢係馬神？（資料圖片）
上星期TVB舉行「戲劇最強好戲連場」曬冷記者會，於新劇《跳躍生命線》飾演救護員總隊目嘅馬德鐘當然有出席。有網友睇大合照時驚覺有個高大但唔識嘅演員，放大張相一睇先知係馬德鐘﹗直言：「邊個黎（嚟）？唔好同我講係馬德鐘，我接受唔到囉～佢係（喺）我心中係好型，好man既男人。」
呢張相睇落，馬德鐘真係好唔似馬德鐘。（資料圖片）
講緊嘢個樣似返啲，但明顯瘦咗好多。（資料圖片）
+4
搵返當日嘅近鏡遠鏡相片，馬德鐘的確妝感較重眉形偏粗，而且比以前瘦削，驟眼睇甚至有人話佢同胡迪撞樣，可以同鄧梓峰嘅巴斯光年湊成一對。亦有唔少網友擔心佢嘅身體狀況：「似瘦到有病，對眼凹咗入去好恐怖。」我地曾經嘗試聯絡馬德鐘，但佢正同太太喺西藏旅遊，仲登上海拔5,013米嘅米拉山，睇落又唔似係有病在身。
睇下馬德鐘Facebook，真心想問呢位係邊個？（馬德鐘Facebook）
一樣係拍緊《跳躍生命線》，呢張個樣又無咩變喎。（馬德鐘Facebook）
今年6月剛踏入50歲嘅馬德鐘，中三畢業後加入警隊，憑住1.85米高挑又大隻嘅身型，加上俊朗外表，好快被發掘拍攝廣告，93年加入TVB後演出機會不斷。多年來不時飾演紀律部隊成員，《衝上雲霄》中深情Vincent一角更成為萬千少女夢中情人。估唔到呢次重返TVB拍劇，仲未播出大家已經對佢樣貌評頭品足，都可算係另類宣傳。
《衝上雲霄》時期嘅馬德鐘實在係無得輸﹗（網上圖片）
重溫一下全盛時期嘅馬德鐘：