【後生仔傾吓偈】港大孫志新hall專收靚女 點解馮盈盈望門輕嘆

撰文:鄺鈺瑩
出版:更新:
孫志新堂專收靚女,但點解FYY都唔合資格?麥明詩話可能因為當時FYY一把金髮所影響。

新一集《後生仔傾吓偈》以「港大的舍堂文化」為題,身為港大畢業生嘅馮盈盈同後連同應屈港姐亞軍鄧卓殷(Amber),加埋黃穎君(Burmie)一齊傾。眾所周知,香港大學共有13間住宿舍堂, 2間非住宿舍堂, 分別為太古堂、 李國賢堂、 何東夫人紀念堂、施德堂、 利瑪竇宿舍、馬禮遜堂、李兆基堂、 孫志新堂、 聖約翰學院、利希慎堂、偉倫堂、利銘澤堂、大學堂、李志雄堂及康寧堂。雖然有咁多宿位,但入住競爭十分激烈,如非靚仔、靚女、有錢、有才能都隨時被拒之於門外。

FYY以為靚就是一切,結果三度申請住hall失敗。

之不過身為港姐冠軍嘅FYY就話佢未住過hall,而且仲要係三間宿舍都唔收佢,天理何在?FYY笑言入hall真係辛苦過選港姐。「我報大學時,咩測驗都唔使就收咗我,但呢個簡直係人生最大考驗,佢哋問我有乜天賦,識打咩波,識咩表演,將我識嘅都帶晒過嚟面試,但我當時好Fresh太細膽,覺得自己最大嘅天賦係個樣,所以扮到靚靚,我只係着咗條裙去,點知就出事,個個都搬晒豎琴、大提琴、曲棍球拍、籃球出晒嚟,我就得條裙,我覺得我呢個武器幾有殺傷力,但可能唔可以明文寫有幾勁 所以最後就失敗了。」

鄧卓殷話自己申請住hall好容易。

喺英國留學嘅麥明詩問好奇問到底有幾多人爭宿舍位,陸浩明笑言同香港人爭上車一樣。鄧卓殷(Amber)指在touch camp時已經會觀察學生的性格,之後再進行面試,當年她申請施德堂時就係一擊即進。