母親中風後不良於行 陳展鵬娶「旺夫」單文柔沖喜
撰文：鄺鈺瑩
出版：更新：
陳展鵬同單文柔拍拖兩年都未夠就已經拉埋天窗，原來除左係愛之外，仲係為咗陳媽媽。
上月宣傳將迎娶28歲前港姐女友單文柔(Phoebe)嘅陳展鵬，二人日前已入紙登記註冊結婚，而有傳婚禮將於本月13日假座四季酒店舉行。今日有報導指，陳展鵬之所以急於拉埋天窗，最大原因係陳媽媽身體欠安，身為孝順仔嘅陳展鵬希望以婚事沖喜一下。
陳展鵬出埠工作時都會帶埋媽媽，兩母子感情要好。
陳展鵬與媽媽向來感情要好，年前他更以三萬元月租將軍澳一個八百多呎單位，讓母親住得更舒適，惟陳媽媽年初中風入院，病後不良於行，陳展鵬為照顧媽媽近乎壓力爆煲，幸得單文柔幫手，令陳展鵬深受感動，曾在訪問中指心中那道門俾佢鑽穿咗。再加上，風水師傅向陳展鵬指出單文柔屬於旺夫相，令陳展鵬更覺單文柔是對的人，故兩度求婚急娶單文柔。