【韋家雄婚禮】楊明爆戴耀明發女狂：抄晒姐妹團電話號碼
撰文：吳子生
出版：更新：
53歲的韋家雄今日（6日）與年輕二十年的「銀行之花」女友鄧楚雅（Keynes）拉埋天窗，早上韋家雄連同6壯士兄弟團，直闖酒店接新娘。兄弟之一的楊明表示：「噚晚家雄都叫班兄弟到酒店傾心事告別單身，但最後只得兩個兄弟到場，而我噚晚因要拍攝《飛虎》，到零晨4點先收得工。返到屋企沖涼後，再訓兩句鐘後又再出門去會場會合班兄弟，再出發接新娘。」
楊明（右二）表示連夜趕戲，今日又要做兄弟，訓得兩個鐘，少啲毅力都頂唔順。（黃國立攝）
楊明透露接新娘過程都幾艱辛，要過五關斬六將，被姐妹團耍到陀陀擰。他形容姐妹團「好出位」，她們準備了一大朵花的道具，讓眾男士馬上仿照一條影片中的大媽跳舞，「我即刻同啲姐妹講，成4分幾鐘嘅片，冇可能跳到，台慶10秒嘅舞我哋都要排兩星期，最後我哋自創大媽舞俾佢哋睇先過關。」6位兄弟中除了楊明以外皆為單身，他爆料︰「知道小明（戴耀明）已經同啲姐妹交換咗電話，據我所知係唔少個嘅，希望佢盡快搵返個女朋友，因為佢年紀都唔細，希望下一個主角係佢。」
+5
楊明爆料指小明（右一）狂抄姐妹團電話號碼。