【延禧攻略．有片】張敬軒同Donald搞笑配音　亂加成人情節變甜故

雄踞無綫收視榜首的大陸劇《延禧攻略》昨晚終於播出了大結局，圈中不少藝人都是該劇的粉絲，中晒《延禧》毒，張敬軒亦是其中一人，當然都有追看啦。軒仔還找住了這股《延禧》熱潮的尾巴，同老友Donald拍了一條片惡搞該劇的短片，分別為佘詩曼所飾演的皇后以及吳謹言所飾演的魏瓔珞配音，重新聲演結局中的一場組典戲份。軒仔負責聲演瓔珞，Donald就聲演皇后，兩人的對話內容講按摩同生毛，仲大玩有味笑話。

軒仔將呢條片post了上他的facebook，又加了hashtag叫自己做「偽櫻落」，片中一開始講他問皇后試過按摩未，為皇后阿佘配音的Donald就話：「梗係試過啦，孖七呢個阿姐佢按到我啪啪聲......按到我欲仙欲死。」軒仔話：「跟住你就派咗兩個公公嚟同我按。」Donald再問軒仔：「個公公有無用接摩棍幫你按？」講完呢句兩人已經笑到「扯晒蝦」，軒仔忍住笑續說：「公公支按摩棍入宮嗰陣已經畀佢哋收起咗，我返去攞返我自己支按摩棍先，告辭。」
而按摩篇完了後，兩人又開始講生毛篇，大爆笑料，仲要一路講一路忍唔住笑，粉絲同網民睇完都紛紛留言話好好笑。

睇完片再睇埋啲cap圖笑多次啦。