【雨傘學院】超級英雄劇Ellen Page擔正 新派能力者又要救地球
撰文：鄺鈺瑩
出版：更新：
《雨傘學院》嘅故事背景設定在約翰甘迺迪從未被刺殺的架空世界中，而呢七名超能力者為揭養父之死而再聚，但因為迥異的個性和能力而屢遭潰敗。
改編自Gerard Way同名圖形漫畫嘅Netflix新劇《雨傘學院》，去年底就已經宣佈演員人選，當中包括有奧斯卡提名最佳女配角 Ellen Page ，而今日Netflix就率先公開劇照，並鐵定劇集於於明年2月首播。
Ellen Page係眾兄弟姊姊中唯一一個無超能力。
《雨傘學院》講述43名互不認識嘅女人，於毫無任何徵兆下突然懷孕生子，而其中7名小孩被億萬富翁認養，並於佢所創立嘅「雨傘學院」中一手將佢哋養大，目的是將佢哋訓練成負責拯救世界的超級英雄。做得超級英雄，當然要有超能力，身為雨傘學院領導者嘅Luther又被稱為Spaceboy，他除了是具有韌性的工作狂之外，亦擁有高度身體強度的能力。Allison於學院中被稱為The Rumor，只要佢問口所講過嘅建議，都一定會發生。義警Diego同時被稱為 The Kraken，由於佢唔似得其他兄弟姊妹咁叻，所以對每一件事都要加倍努力，並因為呢個原因，令佢心中有一條刺。至於Ellen Page飾演的Vanya，係唯一一位沒有超能力的，如局外人一樣嘅佢，努力找尋著自己在世界上的定位。
Number Five雖然睇落好年輕，但實際上卻是被困在小孩身體裡的58歲男人。