陳曉華鄧卓殷自認愛靚仔 最愛韓星李敏鎬《惡吻》江直樹
撰文：趙允琳
出版：更新：
應屆香港小姐冠軍陳曉華（Hera）及亞軍鄧卓殷（Amber）昨日（8日）為TVB明珠台戲劇節目進行亮燈儀式。Hera表示自己都是一個劇迷：「我同好多女仔一樣啦，鐘意追韓劇，但係最近呢一兩年都無乜點睇劇啦。」她稱拜「宅女」Amber所賜，在她的感染下漸漸愛上了看Netflix，Amber說：「我好鐘意得閒放假嘅時候匿喺屋企煲劇，平時都會帶歐美、香港電視劇啊，咩國家都睇。」
兩位都比較喜歡看有靚仔助陣的劇？兩人異口同聲：「當然啦！」Amber笑稱：「靚仔係追劇嘅動力，日常生活無咁多靚仔見嘅時候睇到套劇都會sweet啲，尤其韓劇啊，日常生活都唔會見到啲咁理想嘅男仔出現㗎嘛！」她稱台劇《惡作劇之吻》裏江直樹一角外冷內熱的性格最令她著迷：「除咗又叻又高大又靚仔又係醫生，雖然對其他人好冷酷但對女朋友又好細心。」Hera則最愛韓國演員李敏鎬：「我之前好鐘意佢㗎！又高大又靚仔！」兩人更互指對方是外貌協會會長，都喜歡高大靚仔。
應屆香港小姐冠軍陳曉華（Hera）及亞軍鄧卓殷（Amber）昨日（8日）一身紅色長裙出席TVB明珠台戲劇節目的亮燈儀式，兩人都很喜歡看有靚仔看的電視劇，更笑稱對方是外貌協會會長！（賴家杰攝）
女生總是喜歡驚喜的，Hera當然也不例外：「我鐘意小禮物，唔鐘意太破費嘅，唔需要成日有嘅，突然之間好surprise嘅就最好啦！」Amber指不在香港的男朋友經常都會為她製造不同的小驚喜，簡單到即使突然收到一張心意卡都會令她覺得很窩心。