【如珠如寶】導演林敏驄公報私仇  Bob:跳咗10幾次臭湖

撰文:吳子生
出版:更新:

豬年賀歲猛片《如珠如寶》今日(9/10)在西貢片場舉行探班活動。故事講述一班黑幫「古惑仔」林盛斌(Bob),張繼聰等人到老人院尋仇生事。Bob表示好高興大師林敏驄邀請我拍呢套戲,成個班底有張繼聰、王菀之、林敏驄之後仲會有人繼續加人,最開心可以見到兒時女神恬妞姐,我仲好似小粉絲咁同恬妞自我介紹一番,好高興同佢合作。」

Bob笑言自己有機會做導演時,實整蠱返林敏驄。(黃國立攝)

講到造型今次阿Bob就要戴住個假髮演戲,望落去都同林敏驄都有幾分相似。阿Bob話:「係戲裡面導演林敏驄要我戴假髮,將佢自己個樣擺落我個頭度,成個假髮同佢一模一樣,每次整頭都要用成個鐘頭時間,根本就係公報私仇佢唔妥我,仲有之前拍動作戲,叫我親身上陣,唔俾替身我,叫我跳海跳咗10幾次,仲要個湖臭臭哋,之後又有幾次撞牆,我話可唔可以叫啲替身拍,佢話要有戲拍我大頭,搞到啲手腳都撞瘀晒。」

Bob表示拍戲時,從來未見過林敏驄講嘢咁正經,同平時判若兩人。(黃國立攝)