田蕊妮相隔4年再出唱片 新歌談杜汶澤：無佢我會好平凡
撰文：冼燕珊
出版：更新：
田蕊妮4年前推出翻唱碟圓夢，相隔4 年，她再推出唱片，日前作客TVB娛樂新聞台節目《StarTalk》，接受主播許文軒(Edmond)訪問，談到再出唱片心情，她說：「我覺得四十歲係女人第二個關口，演咗咁耐戲開始覺得有啲悶，知道如果再接戲，我只會應付咗個角色，所以要停，休息嘅時候有好多想法，想透過歌曲講自己嘅人生同體會，所以決定今年再出唱片。」
田蕊妮推出第二張唱片，接受許文軒訪問。
新碟中，除了三首新歌之外，亦會翻唱別人的歌，阿田笑說：「本身見我同吳業坤有啲淵源，佢又變咗我師兄，所以咪翻唱坤哥嘅《原來她不夠愛我》，但錄音之後，大家都笑，覺得我把聲出到嚟變得好Kai，變咗首Kai歌，所以最後都冇要到。」
阿田原本想翻唱吳業坤首飲歌《原來她不夠愛我》，但後來覺得不適合自己所以沒有放到唱片中。（IG圖片）
新碟中，其中一首歌講婚姻，她感謝老公豐富她的生命：「新歌《兩口子》唔止講我兩公婆，仲係講一段婚姻，我嫁畀我老公，可以用精彩嚟形容，佢令我鍾意演戲，佢改變咗我好多想法，如果冇咗對方嘅出現，我覺得我會好平凡。」
「兩口子」經歷過高高低低，阿田指嫁給杜汶澤，豐富了自己的生命。（IG圖片）
+5