周星馳搵王寶強擔正做《喜劇之王2》男主角 女主角係姚晨同林允

撰文:張嘉敏
出版:更新:
星爺套《喜劇之王》好經典。

周星馳 (星爺) 的經典作品之一,電影《喜劇之王》是不少香港人的集體回憶,無論翻睇多幾多笑都依然是會笑得出,當中一幕幕的經典鏡頭以及經典對白更是讓人發夢都記得。最近就有消息指星爺已拍板開拍《喜劇之王2》,不過就並非用上第一集原有的班底包括張栢芝以及莫文蔚等兩大女主角,星爺自己當然亦不會再次擔任男主角,身為呢部新戲監製的他,找來了內地藝人王寶強、姚晨以及他的愛將林允擔正演出。今次班底大換血,未知會否是經典再現,是上一集的延續定還是會變成面目全非呢?

今集無得再睇呢對組合喇。

星爺今年全力拍攝電影《美人魚2》,原定於2019年的賀歲檔上映,雖然現已煞科,不過該片需要用上大量特技,故後期製作需時,所以未能趕及如期上映,而星爺卻不想放棄這個賀歲片的黃金檔期,所以決定開拍《喜劇之王2》頂上,且要於三個月內要火速完成製作。選角方面,星爺今次就用上內地演員擔綱主演,親自找來王寶強當男主角。王寶強近年主演的大陸電影票房均大賣,加上他走喜劇路線,獲內地封為「新喜劇之王」,被指有資格接星爺捧。

王寶強會做今集嘅男主角。
女主角就係姚晨。

而有份演出的林允日前就於她的微博post了她讀劇本的照片,表示正為新戲開工,但就故意將劇本打了格仔,有指是因為向來行事作風低調的星爺,已向劇組下了「封嘴令」,不准洩露風聲,所以林允亦沒有透露半句有關新戲的資料。由於時間緊迫,星爺今次只負責監製,並由邱禮濤負責執導。據知,邱禮濤是行內出名的「目標王」,所拍的電影極少超支超時,有效率又好穩陣,加上該片不會有特技場面,所以電影定必能如期完成。

林允都有份主演。

其實《喜劇之王》除了一眾主角的演出令人印象難忘,配角綠葉都好搶鏡,例如當年有份演出的的林子善和李思捷,那麼他們又有無份演出第二集呢?思捷表示自己身為星爺的粉絲,不論有無份演出都會買飛入場支持。林子善回覆香港01就話自己無份演出第二集,他說:「無呀,不過我都好期待想睇,希望套戲大賣啦!」

林子善當年喺戲中好搶鏡。

一齊重溫下啲經典場面,同埋睇下第二集啲男女主角。

+13