林愷鈴首次擔正MV女主角：王梓軒孭住我上百級樓梯
撰文：吳子生
出版：更新：
林愷鈴(Ashley)昨晚（11/10）現身中環舉行的雜誌創刊30周年派對活動。Ashley於2016年以唱作歌手、演員及模特兒身分加入香港娛樂圈，因工作關係經常亮相各大品牌活動，人氣急升備受關注，早前更成功入讀香港大學建築系。「依加返學時間自由好多啦，多咗時間做自己嘢，學校地方又大咗，依加都有認識新同學，試過排隊時會有啲人認得我同我打招呼，話認得我話好鍾意我，我都會好開心佢哋咁支持我。」
Ashley表示因工作關係多了人認識，回到校園時，好開心得到好多新同學鼓勵。（葉志明攝）
Ashley 最近與歌手王梓軒合作，擔正做MV女主角。「好開心可以同梓軒哥哥合作，呢首歌係我特別好欣賞，並唔係講愛情，係講尋找自己，點樣跨越難關，在MV中我同梓軒係情侶關係，有幕佢要孭住我想上百幾級樓梯，當時天氣都好熱，我仲問佢得唔得，因為我都唔輕㗎，上上落落都拍咗好幾次，都知佢都辛苦嘅，但拍出嚟果效果真係好好，相信大家到時一定會鍾意。」
Ashley首次擔正MV女主角。（葉志明攝）