【你咪理，我愛你】郭晉安重現投資移民廣告 與毛舜筠合作勁緊張
撰文：鄺鈺瑩
出版：更新：
安仔同毛姐呢場戲，靈感係來自佢幾十年前拍的投資移民廣告。(梁碧玲攝）
王祖藍首次執導賀歲片《你咪理，我愛你！》，搵嚟不少圈中好友幫手，而加盟佢公司無幾耐嘅郭晉安，呢日亦都有現身片埸，而佢嘅對手仲要係影后毛舜筠！「因為我入TVB無耐，毛姐就已經去咗拍電影，之後一直都未有機會遇到，所以今日都有少少緊張，好在我得一句對白，都叫自己放鬆啲。」
安仔話唔介意同Bob拍床戲。(梁碧玲攝）
安仔於劇中飾演律師，而佢呢日只需等待毛姐介紹佢出場，真係easy job，訪問時，安仔就話原來呢場戲，同佢早年拍過嘅一個投資移民廣告橋段差不多，祖藍有此安排，確係有心思。安仔透露未埋位前，祖藍跟他說《你咪理，我愛你！》是繼《老表》系列後，他拍得最開心的作品。問安仔可曾想過挑戰導演、編劇一職，他即笑言：「我鍾意拍拍屁股就走人，哈！演員只要盡心盡力做好場戲就可以，自己入行咁耐都係咁。」
完成呢日客串後，安仔就要到內地拍攝電影同電視劇，他表示近來工作多到有點混亂，幸有經理人為他打點。（梁碧玲攝）
安仔於戲中雖然是律師，但他卻要解決Bob（林盛斌）同蝦頭（楊詩敏）的性生活問題，呢日安仔見到二人的床戲，都忍唔住係咁笑。向來往少拍親熱戲的安仔笑言如果同Bob拍床戲的話，應該可以好放鬆。「佢同細細粒在《老表》嗰場床戲，我特地返去睇，拍到床都爛埋，我自己就真係少拍，不過就算拍都唔會同老婆講，佐會叫佢唔好睇。」
安仔對上一次拍電影，已經差不多係十年前，他說電影無論在任何一方面都投放很多資源，令他更舒服與享受。「 見到咁多人去service我，好似巨星一樣。」。(梁碧玲攝）
面對性事或性教育，中國人向來較為保守，安仔指自己小時候由於得唔到太多答案，所以在成長過程中十分好奇。「但我小朋友就無呢方面問題，因為我哋全家會一齊赤裸浸浴，所以佢完全會明白男生跟女生的分別，就算現在長大了，他有問題我也不會忌諱，照直告訴他。」安仔又指自己曾多次幻想仔仔會問他性教育，更指自己「諗定嗰場戲嘅對白」，不過講到父子之間的經典對白，安仔就話：「仔仔問我佢點嚟，我話佢知係爸爸懷胎十月好辛苦咁生佢出嚟，直到佢長大先發現原來係假。」
點擊細圖，觀看阿Bob、蝦頭與郭晉安精彩的現場演出：
+23