【全民造星】大熱Ian屈居亞軍因唔肯跳舞？ 「係有啲遺憾！」
撰文：陳栢宇
出版：更新：
ViuTV選秀真人騷《全民造星》昨晚（14日）在九龍灣展貿中心舉行總決賽，出名唱歌勁的Ian和出名舞技精的Lokman分別奪得亞軍和季軍，Lokman接受《香港01》訪問時坦言結果意料之外：「當我知道拎第三時我仲呆呆哋，真係攞獎？真係攞獎喎！因為第一輪我得第四。」
《全民造星》昨晚（14日）圓滿結束，最後由Ian和Lokman分別奪得亞軍、季軍。（陳順禎攝）
Ian則指自己滿意成績但覺得表現有改善空間，記者指他或因欠缺個人舞蹈表演而失分，Lokman便代好友道出掙扎，指一班參賽者一方面想突破自己，一方面好想靠長處搶分：「佢好想跳，但我哋覺得唔跳好啲，始終呢個係比賽，都係做擅長嘅嘢好啲。」Ian聞言後補充：「係有啲遺憾，我係想跳埋舞，就算最後跳舞會扣我分。」
Ian坦言因突出唱功未有在台上跳舞而造成遺憾。（陳順禎攝）
Lokman指自己忙拍電影《狂舞派3》後才有時間慶祝。（陳順禎攝）
提到曾經參演電影《狂舞派》的Lokman亦有份在《狂舞派3》演出，他便指現時準備排練，忙完過後才會有時間慶祝。至於Ian便笑言現時要務是要食返餐勁釋放自己，因為比賽當中時常擔心身材走樣。