Coffee林芊妤開完party即入院生B:生咗 但好累!

撰文:鄺鈺瑩
出版:更新:
Coffee入院前仲去朋友生日派對,佢手上嗰杯……應該係可樂嚟嘅。

預產期於本月底嘅林芊妤(Coffee)前晚於Ig Story上載去朋友party嘅片段,但數少時之後,佢就話自己已經喺醫院,並表示:「都係等唔到順產,胎盤仲係前置,依家仲差2cm先夠位可以順產。本來諗住等下等下胎盤有機會會升上去,但因胎盤依家出血,應該要開刀。唔緊要BB健康出世就好,加油!我哋都要安安全全,呢幾日都要喺醫院瞓啦。」

Party後一轉眼,Coffee就已經喺醫院病房。

其實Coffe之前已經話過想順產,但由於醫生發現胎盤前置問題,故預計要開刀。Coffee今午透過短訊表示已經生B,「好累,比一日時間我休息好,聽日再回應send埋相俾你地。」恭喜晒!

Baby Chak出世,Coffee話要休息夠先回應。