陳瀅不愛木村拓哉愛比卡超 自爆古天樂先係男神
撰文：賴家杰
出版：更新：
陳瀅今天（16日）出席品牌活動，得知木村拓哉女兒木村光希亦會到場，陳瀅表示會與她打招呼及合照留念。問她木村拓哉是否她兒時偶像？陳瀅直言不是：「因為我小時候睇卡通片比較多，所以卡通片先係我最喜愛，所以對於日本偶像只有比卡超同美少女戰士。」
陳瀅今天（16日）出席品牌活動，她期待與木村光希見面。（黃國立攝）
問陳瀅可以有去Cosplay比卡超和美少女戰士？「有呀，上年陳嘉寶結婚我哋一班人就為佢搞一個美少女戰士派對，每一個都穿著美少戰士衣著，咁依家都就嚟萬聖節，都會玩下唔同造型，之前試過扮唔同造型，有一年扮小丑女，今年就未諗，等我思考一下先。」陳瀅向大家透露今年萬聖節還沒有男生約她，大家要把握機會。
陳瀅透露明天便會回加拿大慶生，也可以探望婆婆。（黃國立攝）
陳瀅在接受訪問中自爆古天樂是她的偶像，陳瀅解說：「我成日都同人講想做萬寧隻貓，因為同男神有接觸之餘都要有番少少距離，咁我係隻貓入面可以同佢會保持少少距離同時又可以親近佢，我覺得係一件好浪漫嘅事。」但什麼原因令陳瀅熱愛古天樂？她說：「其實我好欣賞前輩好努力好勤力，同埋佢對香港電影嘅付出，令外我好鍾意佢好謙虛幫唔同慈善機構，呢個係非常之好。」
陳瀅嘆息回加拿大不能夠渡一個長假期，因為接下來有工作等她。（黃國立攝）