【如珠如寶】張繼聰成港產片御用演員？「多謝老闆畀機會我」
撰文：賴家杰
出版：更新：
張繼聰主演的電影《如珠如寶》今天（17日）舉行開鏡儀式，戲中Bob（林盛斌）及王苑之造型相當特別，至於阿聰造型上有何特別？阿聰誇獎自己最特別的地方就是沒有特別。早前Bob在網上發佈一張照片，說到他、阿聰及王苑這組合很久沒合作，阿聰解釋到這次很開心再度合作：「大家都上咗年紀，開始話說當年，諗番起都好開心，已經係幾年前係電視台拍劇時候講番當年，其實私底下都係好朋友。」
張繼聰主演的電影《如珠如寶》今天（17日）舉行開鏡儀式。（陳順禎攝）
最近阿聰在鏡頭上曝光率很高，只要是香港電影很多也會看見他的蹤影，阿聰坦言很感謝很多電影公司老闆：「我覺得抱住一個新人狀態去學習，每次入唔同劇組都會有好多新事物學習，聽好多前輩講故事真係好開心，聽到當年趣事。」
再問到每部電影曝光率那麼高，會怕觀眾看厭？阿聰直言觀眾全部能看完才說吧：「我最主要希望大家多啲入場，我又冇諗過自己去到一個位係會畀人覺得煩，咁啱今個月多咗我嘅戲，反而依家拍多咗電影又知道香港電影業面對艱難時期，（面對艱難地方係乜？）坦白啲講就係票房有時候未切支持到一部戲，唔好話賺錢，所以有時候投資者要諗好多因素，呢啲都係問題。」