【如珠如寶】被林敏驄連番整蠱 莊端兒：要我狂跳百幾次
撰文：吳子生
出版：更新：
莊端兒出席尖沙咀舉行的《葉振棠友誼萬歲慈善演唱會》發佈會。慈善演唱會將於11月9至11日假澳門隆重舉行，莊端兒首次參與演唱，心情緊張又興奮：「今次演唱會有三場，我只係演出其中一場，好多謝阿棠哥邀請我，可以話係衝出香港，哈哈，今次演唱會主要係唱懷舊歌，自己本身都有搵唱歌老師學唱歌，所以對於我嚟講都冇太大問題。」
莊端兒為慈善演唱會作準備，日夜不停練歌，唱到聲音沙啞。（吳子生攝）
莊端兒在賀歲片《如珠如寶》中，飾演扑扑姐一角，經常被導演林敏驄借機整蠱。端兒笑言話：「有一場戲佢要我着住件冇吊帶嘅泳衣，仲要吩咐服裝姐姐改細，件泳衣細咗成個碼，迫爆咁滯，又要我喺浴缸度係咁跳，當時好多人圍住一齊睇，跳咗成百幾次，我就同佢講，件泳衣係唔會跌落嚟，就算跌落嚟都會冇嘢睇，因為我貼晒乳貼，之後佢仲要我浸喺浴缸度，前後浸咗成4個半鐘，啲皮膚皺晒皮，真係冇人性。」
莊端兒表示同林敏驄拍攝其實都幾好玩。（吳子生攝）