【苟芸慧結婚】「處女黨」前成員變姊妹 李亞男：希望佢三年抱兩
撰文：吳子生
出版：更新：
現年35歲的苟芸慧（Christine）在16年時，因賽車而邂逅現年45歲職業賽車手陸漢洋，兩人拍拖不久屢傳婚訊，直至今年情人節前，苟姑娘於Ig上載男友求婚照，並公開男友送上約值170萬3卡的求婚鑽戒相，正式宣佈我們將會結婚了。今天苟姑娘與拍拖2年的職業賽車手陸漢洋共諧連理，假上水雙魚河鄉村會所舉行隆重盛大的婚禮，邀請各親朋戚友到場見證，場面感人。
雖然鍾嘉欣未能出席苟姑娘婚禮，「處女黨」三名姐姊妹李亞男、王君馨、岑麗香不停用視像聯絡，跟貼住婚禮情況。（陳順禎攝）
Christine非常有心思，因為自己姓苟，所以便組成9名的姐妹團，名單中有李亞男、岑麗香、王君馨，伍詠微、潘曉華、簡慕華、倪晨曦、梁嘉琪及一名圈外朋友。李亞男表示：「我希望佢快啲可以生小朋友，到時可以傾吓啲湊仔經，祝佢快啲三年抱兩，計計吓佢嘅年紀都差唔多啦，佢唔可以太遲啦。」（今日冇玩新郎哥環節，會唔會覺得可惜。）王君馨笑話：「好唔公平，又冇利事𢭃，又冇得玩佢哋。」旁邊岑麗香笑話：「可能今晚夜啲再問過可能有呢，等佢哋飲到醉醉地再問佢哋攞，哈哈。」
李亞男希望苟姑娘年生貴子。（陳順禎攝）
+7