【理想國】吳海昕化身AI美女色誘駱振偉 「幻想到嘅都會發生」
撰文：吳子生
出版：更新：
ViuTv劇集《理想國》，今日（20/10）在香港仔舉行開鏡拜神儀式，一眾演員吳綺莉、林祖輝、吳海昕（Sofiee)、駱振偉等人出席為宣傳造勢。吳海昕在劇中飾演一名虛擬人物，與駱振偉有多場激烈床上戲。「劇中有一副高科技眼鏡，載上之後，望住所有人嘅時候，都會呈現我個樣，呢套劇對我嚟講都好大膽，因為講科幻嘢，所以會有好多幻想空間，咁當一個男仔好迷戀一個女仔嘅時候，就會有唔同嘅幻想，劇中駱振偉因為迷戀我想同我拍拖，所以搵咗麥芷誼當成係我，並且有接吻及床上戲。」
Sofiee表示拍接吻戲一定要請教麥芷誼，因為她經驗豐富。（黃國立攝）
Sofiee港姐出身，在ViuTv劇集《賤民20》有癲喪演出，令觀眾眼前一就，演技備受關注。「近來工作係比較忙啲，手頭上有4部ViuTV劇集要拍，戲份愈來愈重，又會做女主角，明年又會準備出歌，向樂壇方面發展，希望到時大家會鍾意。」
Sofiee準備明年進軍歌壇，將推出個人單曲。（黃國立攝）