陳國坤北上搵銀 黃伊汶:交足稅就冇無問題

撰文:吳子生
出版:更新:

黃伊汶現身尖沙嘴舉辦以「70年代」作為主題的《肥媽年度慈善派對》活動,現場星光熠熠,所有賓客都以70年代造型就相。伊汶表示:「今日因工作關係,未有時候作任何打扮,但都有帶個比較懷舊啲嘅手袋襯返今日呢個主題,剛才見到肥媽同黑妹姐個造型打扮得好靚,為有吓次再可以嘅時候再扮靚啲再玩過。」

黃伊汶表示有意復出拍戲,但只是客串形式演戲。(陳順禎攝)

2009年黃伊汶膽粗粗投資過百萬創業做腕錶生意,往後相繼打入日本、星馬泰及內地市場,年營業額過千萬。「起初真係花咗好多心機同力氣去發展呢個品牌,由生產批發、零售等等都要一腳踢,近年公司都北上發展擴充業務,內地有partner,在咁嘅情況吓我都會有時間去睇住囝囝陳真嘅。」

黃伊汶近年北上發展,擴充腕錶生意。(ig圖片)

早前內地前央視主播崔永元揭發大陸演藝界「陰陽合同」事件,大陸國家稅務局開始嚴查娛樂圈瞞稅問題,內地多間電影公司紛紛叫停部分製作。伊汶表示:「老公(陳國坤)近來都喺大陸發展,都知道內地稅項問題出台咗,有啲公司係暫停咗某啲工作,相對地又影響不大,其實只要做返公民責任交返俾政府要嘅稅項就冇問題,最近老公佢有好幾部電影要監製,在籌備中,明天佢又要飛,佢又要為《功夫聯盟》電影做宣傳。」