何超蓮冰島冒寒派福利仙氣滿溢　網民：出寫真啦

賭王何鴻燊三房千金超蓮最近去了冰島旅行，當地現時的氣溫只有5度左右，晚上更會跌到落零度以下，真係好凍㗎。不過於咁寒冷的天氣下，身在當地的超蓮竟然仲可以着比堅尼上陣，更將自己的水着靚相放上IG大派福利。睇返日前超蓮於IG post的冰島旅行相，明明一身寒冬打扮，但呢日卻變得咁少布，大騷fit爆身材。

超蓮於IG post了三張她的性感比堅尼相，並留言表示：「其實三年前就來過冰島，當時沒有去到blue lagoon很遺憾，這次來拍攝第一天就去了，天氣還很好！」原來她正置身冰島著名的地熱溫泉藍潟湖，於天寒地凍的環境浸溫泉別有一番風味。她的粉絲同網民都紛紛留言大讚她又靚又sexy，仲提議她不如出寫真啦。其實好耐之前超蓮明明講過唔再post水着相，話驚畀媽咪鬧，唔知點解今次會破例呢？

一齊重溫返超蓮之前post過嘅福利圖啦。