李美慧為百億富商老公曾文豪誕下千金：希望囡囡成為動物醫生

現年31歲的前港姐李美慧 (Vivi) 與56歲百億富商曾文豪於今年7月結婚，當時Vivi已懷有老公的BB，屬雙喜臨門。日前Vivi已經順利「卸貨」誕下千金，她分別於facebook同IG公布喜訊，同大家開心Share她與老公榮升做媽咪爹地的喜悅。Vivi post了一家三口的靚相，並留言表示：「我們的小糖心」，相中她與老公曾文豪一起抱住BB，兩人頭貼頭，臉上掛住幸福的笑容，另一張相是她抱住BB鼻貼鼻，好sweet，完全感受到呢位新手媽咪的興奮心情。

Vivi接受香港01電話訪問時透露她同BB經已出院返家休息，囡囡是過了預產期才順產出世的，她說：「都係正常作動冇幾耐就生咗，唔算好辛苦。老公有陪住我，但就好似冇剪臍帶，可能佢驚啦，佢有不停喺旁邊安慰我同鼓勵我。見到BB嗰刻我哋都無喊，好堅強，但真係覺得好開心。BB重6磅，個樣暫時似爹地多啲，仲未改名。」她又感謝主賜給他們一個聽話的BB，而老公的陪伴就是給她最好的獎勵。

至於可會餵人奶，Vivi說：「為咗BB健康都會盡量餵人奶，不過我對於餵哺人奶方面咩都唔識，所以已經搵定香港催乳中心嘅專業催乳師幫手。」她又笑言自己生B後，就會做回《宮深計2深宮計》劇中的宮女角色，全天候服侍囡囡。而本身充滿愛心，尤其喜歡動物的Vivi亦希望囡囡都一樣有愛心：「最希望佢以後可以做動物醫生，幫助更多生命。」

一齊睇下呢位新手媽咪嘅靚相啦。