【法證先鋒IV】梅小青揚言有更多演員加入　解答到底誰是女主角？

《法證先鋒IV》準備開始拍攝，這次演員大部份也是《深宮計》的班底，總監製梅小青說：「今次係當《法證先鋒》遇上《深宮計》，因為係《深宮計》合作得好好，大家都好想參與《法證IV》，我哋都盡量大家參與呢部劇，雖然未必全部能夠參與，但盡量。」

未開始拍攝已經話題多多，譬如傳胡定欣因為不想再與陳煒對戲所以推掉角色，小青姐澄清她們是好朋友，不過小青直言當初的確是想找胡定欣拍《法證IV》：「我哋有諗過組合，因為當初都未諗好嗰劇本，絕對唔係李施嬅頂上。」

劇中女角色也很多，只看陣容有陳煒、李施嬅、黃心穎及朱晨麗等，令人也不知道誰人才是劇中的女主角，小青姐解釋：「其實我哋冇乜特別分，《法證IV》當然想多啲演員參演。」這麼多人小青姐也不怕會有搶戲份的情況發生，「其實每一個演員都一定有佢嘅劇份出現，其實陸續都有好多演員會出現，不過唔講住。」

點擊下圖觀看活動其他靚相：