苟芸慧結完婚嗰晚同老公做咩？ 佢話：好浪漫
撰文：吳子生
出版：更新：
苟芸慧（Christine）今日（25/10）以代言人身份出席灣仔舉行的美容品牌發佈會。Christine 婚後出席首次活動，心情勁靚：「啱啱結咗婚幾日，心情仲係好興奮，仲未沉澱到，好似仲有啲嘢仲未做咁，其實結婚當晚個人嘅精神狀態真係好攰，自己出名都好捱得，就算開凌晨4點做成十幾個鐘我都唔會攰，但結婚過晚真係成個人都散晒，當晚啲賓客送嘅禮物禮金我都冇精神理，交晒俾老公佢處理，我就敷住面膜瞓，佢見到我敷，佢又跟住敷，佢平時都唔貪靚，敷完仲同我講皮膚真係靚咗，我覺得兩個人一齊做呢件，係一件好浪漫嘅事。」
Christine 表示10月尾將會與馬國明拍攝網劇。（陳順禎攝）
由 TVB 五位美女組成的「處女黨」，成員相繼結婚，最後一位黨員 Christine 亦在早前完婚，「處女黨」正式瓦解。Christine笑話：「我估嚟緊一定會有新花名嘅，但未知啲記者會俾啲咩花名我哋，其實花名都可以改得再得意啲嘅，我都好期待，哈哈。」
Christine 表示婚後不需要老公俾家用，自己仍有能力賺錢。（陳順禎攝）