【跳躍生命線】陳瀅拍劇跳海意外受傷 心痛市民不注重環保
撰文：賴家杰
出版：更新：
陳瀅今天（28日）一早就出席慈善活動為《跳躍生命線》做宣傳。（梁碧玲攝）
陳瀅今天（28日）一早就出席慈善活動為《跳躍生命線》做宣傳，「其實呢排每日好早起身，因為要拍劇關係，基本上每日都06或07起身已經習慣，同埋早起身會比較健康。」陳瀅除了熱愛參與慈善活動外她說到更常常去捐血，「我覺得捐血係更可以幫到一條人命，比起捐錢別人，捐血更真係用生命幫助生命，所以一年都會捐幾次。」
活動前一日陳瀅拍攝跳海捉犯戲份意外受傷。（梁碧玲攝）
她今天出席活動時候被發現背部受傷，全因為拍攝《廉政行動2019》時間太拚命，「尋日拍《廉政行動》有一場要跳海捉犯，咁我哋拍個到比較污穢，又近岸邊多垃圾，可能跳落去免疫力差少少就皮膚敏感，我見到呢個情況反而最唔開心係見到個海洋真係好污穢，我覺得市民要關心下環保。」陳瀅指昨天拍完後便立即看醫生，她直言醫生說很快康復：「其實我好唔錫身，我唔會要求用替身，盡量自己做，經過今次都會檢討一下。」
早前陳瀅生日，她坦言只是在飛機中一人渡過。（梁碧玲攝）
+3