杜汶澤用電磁爐整肉絲炒麵出事:唔想做呃錢電視節目主持人

撰文:鄺鈺瑩
出版:更新:
肉絲炒麵最緊要夠鑊氣,阿澤用電爐完成到呢件事,都算係咁。

杜汶澤喺fb頻度《 喱騷 Chapman To’s late show》時事、政治、娛樂乜都講,而「為何深夜總是餓」呢個環節更係深受歡迎,泰式椰汁雞湯、深宵薯餅、牛丼真係睇到流晒口水,而最新一集「為何深夜總是餓」,阿澤教大家整肉絲炒麵,點知由於電磁爐火力唔夠猛,炒麵炒到阿澤係咁X,而個麵亦明顯黐晒鑊,雖然試菜時,阿澤就話「個底燶少少先正」但有網民認為呢個絕對係失敗之作,並問阿澤點解咁都可以出街。

不過事後佢見到觀眾留言都有認錯。
而咁啱《肥媽優質食好D》昨晚首播就係教大家煮斧頭扒。

既然有錯就當然要認,阿澤其後在FB出post表示:「為了昨晚「為何深夜總是餓」的肉絲炒麵失手,昨為一個廚師,我有責任向大家道歉!從來不解釋失敗的原因,因為失敗就是失敗,我一力承擔。感謝大家的意見,我會深切檢討,務求繼續為大家提供低俗而又高質的烹飪節目。因為我不想淪為連焗嚿斧頭扒焗完都唔敢切開比觀眾睇嘅師奶教煮餸呃錢電視節目主持人!九十度鞠躬!向大家說句對不起。」

而同日下午嘅《都市流行》亦出現了斧頭扒,節目除搵專家講扒外,亦搵埋名廚炮製慢煮斧頭扒配羊肚菌汁,慢煮完一個小時後至四成熟再拎去煎。

咦,斧頭扒咪日前連環出現於無綫節目中嘅食物?當中包括《肥媽優質食好D》同《都市流行》!話說無綫近日發展埋BIG BIG SHOP,而價值538元嘅帶骨斧頭牛肉眼更係熱賣推介之一,話晒都唔平,所以無綫就好貼心咁安排咗肥媽同名廚楊國基於節目分別以慢煮同煎嘅方式,教曉觀眾點炮製出juicy又美味嘅慢煮斧頭扒配羊肚菌汁同煎焗英國皇室斧頭扒。呢條斧頭扒差不多有半隻手臂咁大,要煮熟怕且都需要少少時間,之但係《肥媽優質食好D》同《都市流行》都只係利用5-10分鐘去完成呢件事,有5成熟都已經要偷笑。而兩個節目嘅共通點,都係煮完後,冇鏡頭交待切開既係同一舊肉,話俾人聽舊扒有幾靚,都冇唔知阿澤post中所指的「連焗嚿斧頭扒焗完都唔敢切開比觀眾睇嘅師奶教煮餸呃錢電視節目主持人」係指邊個呢?!

由於牛扒煎完之後,要rest一陣等塊肉汁回流,所以兩個節目都無即場開刀,而肥媽更係等到煮好晒其他菜式,最尾才出手。

杜女郎都係重點 :

+3