【跳躍生命線】張曦雯主動出擊 到底何廣沛定馬德鐘會先脫單？
撰文：鄺鈺瑩
出版：更新：
見麥在田咁緊張架van，就知佢對亡妻（李佳芯飾）有幾咁不捨。但隨著阿Man嘅出現，麥Sir內心終於起變化.。
《跳躍生命線》成近年大台高收視之作，劇中飾演兩兄弟何廣沛和羅天宇率先發展「感情線」，連send個message都要笑瞇瞇，基情滿滿令唔少網民都感受到嗰股sweet。另一邊廂，劉佩玥、何廣沛，馬德鐘同張曦雯呢兩pair人，亦似乎醞釀到時候。相信唔少觀眾自從睇到張曦雯飾演嘅阿Man入住「麥」家之後，都默默期待著佢能夠令麥Sir忘記過去。
阿Man向來都不拘小節，估唔到連表白都係佢做主動先。
而今晚嗰集（第19集)，二人感情終於向前邁進一大步！劇情都係老老土土嗰啲：麥Sir由於唔小心整爛阿Man副眼鏡，於是就帶佢去配眼鏡，而期間一個不經意的對望……就喺返屋企途中，阿Man主動向麥Sir示愛，並透露原來佢曾經有舊患，將來有可能會失明……之不過，阿Man表白完之後，似乎又有另一個重要嘅決定，麥Sir可唔可比少少油做啲嘢呀!